Catalogne : anet ét le jou de l’Independançe !

Et anet qé gn’ara la grante demonstraçion pour l’Independance de la Catalogne a Barcelone. Le 11 dou mei de Setembe ét la federaille naçional en Catalogne (« la Diada ») e ét le jour-la q’ont chouézi les etourous de la Catalogne pour m’nae lou massaq de demonstraçion dens les véïs de Barcelone.

Haopae par l’ANC (l’Assemblada Nacionala Catalana), eune meniere d’assemblléy eyou qé sont agerouë toutes les souaites independantisses, le monde vont s’atropélae ad’saïr devers seiz oure su un grant pâti de la capitale de la Catalogne. Gn’a pu de mille aotobus qi vienron charéyae des marchous diq’a Barcelone. Des chèrtéys d’Oçitans vienront évouéssae pour lou freres catalans etout d’aprés.

Pour les siens qi vieulent fere la demonstraçion etout dère lou ordrinouér, veunla eune anpllat eyou qe le monde d’anlhou poevent montrae q’i tienent d’o les Catalans : http://diadavirtual.catalansalmon.com/. Aotermant d’aote, vous pouez etout enveyae vos soutienriys su Twitter o les #Htags-la : #11s2012 e #11sCAT9estat

A l’assemblléy de Reyaome-Uni, un passë galoué a perzantae eune moçion eyou q’il ét contançe de demandae a la meneriy Espagnole « de respetae le choué èz catalans ».

Pour n’en savaïr pu fo : http://www.jornalet.com/nova/755/%20catalonha-celebra-uei-la-festa-nacionala-amb-una-manifestacion-per-lindependencia-que-se-p

http://www.jornalet.com/nova/758/lo-parlament-britanic-saluda-lindependencia-de-catalonha 

Bonjour, laissez ici votre commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.