Eune nouvielle radio en Catalan a Mayorqe/Mallorca

Si qé gn’a eune langue « rejiona » core ben vioche ao jou d’anet, ét le catalan. Ao parsu, raport qé les catalans vont pouére chouézi par referendom dens le mei de novembe 2014, si q’i vont pâssae independants ou ben point, ventié qé la langue-la ét pour yete core pu fo renforciy.

Terjou ét-ti, dens les iles Baleares, eune nouvielle radio en catalan donne depés l’entama de l’anéy : Ona Mediterrània. La radio-la ét m’néy par eune consorteriy q’a devoçion a pormouvae les medias en catalans. En 2013, la m’nance de l’ile avae minz la barre su eune radio « Onda Mallorca » e eune chaene de tele « Mallorca TV ». Les deûs-la taen en catalan. D’aprés la m’nance ét raport a « l’ohi d’arjient » qé la barre avaen taet minze su les deûs medias-la.

Pour n’en savaïr pu fo : http://www.laveupv.com/noticia/6899/nova-radio-en-catala-a-mallorca

Parolië : vioche : vivante / ao parsu : de surcroît / renforciy : renforcée / terjou ét ti : toujours est-il / donne : diffuse / depés : depuis / l’entama : le début / ohi d’arjient : manque d’argent / mete la barre su : fermer

1 COMMENT

Bonjour, laissez ici votre commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.