Bremañ #400 : Ar mor, hon teñzor

0

WP_20150313_001Lavarout hag adlavarout a ran deoc’h a viz da viz : a-bouezh eo Bremañ. A-BOUEZH EO BREMAÑ !

Da gentañ-holl p’e vez lennet enni traoù ha ne vez ket lennet e neblec’h. Da c’houde peogwir e vez skrivet ar pennadoù gant ur sell ha ne vez ket kavet e pep lec’h kenebeut : ur sell breizhad. Rik ! Ha n’eo ket brizh-vreizhat. Ha cheñch a ra kalzig eus ar geusterenn a vez lennet er magazinoù gall.

Ar miz-mañ, ur pennad gant YL Kabell diàr-benn ar re binvidik-mor. Daoust hag-eñ e vefe reizh kas anezhe d’ar goulag pe get ? D’am meno e vefe gwelloc’h kas ar bolitikourion o deus savet al lezennoù a ro ar gwir d’ar binnarded pinvidikaat par ma c’hellont. Hag erminikaat ar re a brofit eus al lezennoù-se, ken barrek int evit fouzañ ac’hanomp gant hor bennoz doue !

Dindan pluenn Paol ar Meur e c’hello Yann lenner addizoloiñ brezel an inizi Malou etre Breizh-Veur hag Arc’hantina e 1982. Pa oa punked ac’hanomp…

Ur pennad dedennus a c’helloc’h lenn ivez diàr-benn brezel an dour er mare-mañ en Iwerzhon. Ne vez ket klevet kaoz eus an emsav-se kement hag hini Podemos peotramant Syriza met un domaj eo. Diàrnañ e c’hellfe genel un emsav kalz ledanoc’h…

Gouestlet eo teuliad ar miz d’ar mor, hon teñzor ha n’eo ket korvoet evel ma vefe ret. Diwadet, kignet na lavaran ket avat.

‘Fin, meur a bennad all a zo en niverenn-mañ. An hini 400. Ha spi ‘m eus e vo lidet an hini 800 a-benn 40 vloaz…

http://www.skolanemsav.com/-brezhoneg-et-breman.html

LAISSER UN COMMENTAIRE

Please enter your comment!
Please enter your name here