Kemerit perzh en un danevell a dammoù !

3

Logo Keit vimp bev (KVB)Adalek hiziv e vez kinniget un danevell a dammoù gant Keit Vimp Bev war e gont Facebook :
Bemdez, 5 gwech ar sizhun, e vo un tamm,
Ur vunutenn zo trawalc’h evit lenn,
Dav vo deoc’h votiñ er fin evit lavaret war beseurt tu mont ha dont an devezh war-lec’h da zizoloiñ ul lodenn nevez eus an avantur…

Kroget eo hiziv gant an tamm kentañ :
#1 – Laouen e oa Nathalie ar mintin-mañ. O paouez dont en-dro eus ar skol e oa ha ne oa bet hini ebet, na Laura nag Etienne, evit leñvañ goude m’he dije roet bep a vouchig dezho war treuzoù ar skol. « O tont bras emaint. » a soñjas-hi en ur bellat eus ar skol Jean-Paul Sartre, oc’h en em silañ etre an otoioù niverus-mat d’an eur-se. War un dro e oa laouen pa wele he bugale o c’haloupat da gaout o mignoned. Met en ur mod all he doa keuz eus un amzer zo bet, pa bignousent, o terc’hel start outi. Buan-tre e adkavas he c’harr ha dek munutenn goude e oa er gêr. Daoust dezhi bezañ maouez er gêr e oa ur bern labour o c’hortoz anezhi, gwalc’hiñ, ferañ, plegañ ha renkañ dilhad. Lakaat urzh er c’hoarioù hag er c’hoarielloù…Ne wele ket an eur o tremen. Gouzout a rae e vefe dav mont da gerc’hat anezho da greisteiz met amzer a oa c’hoazh. A-greiz-tout e skiltras sonerezh an nor antre. « Unan bennak d’an eur-mañ ? » a soñjas-hi. Ne oa ket o c’hortoz tud. Ma vefe bet he mamm n’he dije ket sonet. Piv a c’helle bezañ ?

Met petra ‘vo goude ? Klikit amañ evit mont da zizoleiñ ar c’hinnigoù hag evit dibab… Dao de’i, kemerit perzh en istor !

3 Commentaires

LAISSER UN COMMENTAIRE

Please enter your comment!
Please enter your name here