La guèrra dels nacionalismes d’expansion europèa, 14/18

1

Lo CIRDÒC plaça gratuitament a disposicion de las institucions e de las associacions, la mòstra Lenga(s) de guèrra. Vint panèls e aitant de tematicas abordadas que, partissent de documents e d’archius en occitan, mas tanben en breton, picard o encara en basc, propausan un autre regard sus la Guèrra e sus la França del sègle XX.

Darrièr l’imatge oficial de l’Union sacrada, la França que dintra en guèrra en 1914 es en realitat un país plurilingue e multicultural. Se s’es fòrça dich que la Guèrra Granda aviá accelerat lo declin de las lengas de França fàcia a la lenga oficiala, la guèrra foguèt tanben per de milions de franceses, la primièra experiéncia de l’alteritat culturala, de còps violenta per los soldats meridionals acusats de coardiá durant « l’afar del XVen còrs ».

exposicion CIRDOCDemest los soldats bretons, basques, « ch’tis » – lo tèrme es, en mai, sortit de las trencadas – provençals, lengadocians, auvernhats o encara gascons per l’espaci occitanofòn, una granda majoritat testimonièt de son experiéncia de la guèrra dins de quasernets, letras, memòris e sovenirs, sovent en francés mas tanben dins las divèrsas lengas regionalas. D’occitan, se’n tròba fin finala d’en pertot : sus las afichas, en legenda de cartas postalas e de caricaturas de propaganda, dins los jornals de trencadas, dins la premsa nacionala de l’epòca tanben, e mai sus los monuments als mòrts e d’autres luòcs de memòria de la guèrra.

Contacte : CIRDOC – centre oficial de documentacion occitana

Un ensemble de documents vos es propausat sus Occitanica.eu

 

1 COMMENTAIRE

Bonjour, laissez ici votre commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.