27ème séqhance de ligue 1ère – SM Caen 1 – 0 SRFC – Un SRFC bourdë!

0

arton4173-71fe9Depé janvië, Caen a zeü bein dou deü a erpaïssër dsus épré une entame de sézon mirabièlle. Maen venla le SRFC ét de même, invançion pour les bertons de terouë le chieu é avair la pouche d’une brave sorte depé bièlle drive. Vantié qe le mach la ét pour rmétr le SRFC dreit?

Estade Michel-d’Ornano – 15 455 de monde – maitr-departou : Tony Chapron.

Les bertons vont métr la patte su la balote lon la sairéy. An pus dela, ét yeùs qi vont yètr les permiërs gandilheùs o le Gourcuff, titrë le sair la. E pé la va yètr vrae peinü d’un bord coume de l’aote. Et le SM Caen qi va portër le ma su le SRFC ansurqetout o Le Delort, sans pouint jamaen avanjër. Ded’la a s’anrtournër es qernes, les deùs souètes vont yètr ajeü.

 

Dreit l’entame de l’aote cartée, Caen va se portër vifremant su les caijes bertones. Et de ce qi’ taet pour s’arivër s’arivit, raport a un manqe des defansous bertons, Ntibazonkiza poqe bravement la balote qi couette dreit dans les caijes a Costil (1-0, 54′). Rene va mnër la regoncée o Dembélé ou bein core Salle Lamonge maen Caen va se defandr su yeùs. Fin de conte, Caen a la pouche é le SRFC, li, cheit core!

 

‘la fét qe Caen doubelle Rene maen le pus tabutant et de vair qe depé q’arivit Courbis, Rene ét bein trop falhi o des ataqants pas un brein avanjous! Perchen mach an Ocitaniy a Tolosa samadi 27 de feverië, qhi fère, comant fère?

 

Aléz Rene!

LAISSER UN COMMENTAIRE

Please enter your comment!
Please enter your name here