Beaj e Kernev-Veur hag e Plymouth

4

Brezhoneg e Brest ha Setu a ginnig deoc’h ur veaj fromus – e brezhoneg mar-plij! – gant dizoloadennoù ha kejadennoù e-leizh. Deuit ganeomp eus ar 26 a viz Here d’ar 1añ a viz Du 2016 e Kernev-Veur hag e Plymouth.

Plijadur hon devo gant liested al lec’hioù ha gweledva e Kernev-Veur, eus Penn-an-Wlas (Penn-ar-Bed) da v-Bodmin Moor gant e vrug hag e bradoù, kement ha gant e reier glas!
Estreget ur porzh stag e vo Plymouth deomp, tro hon devo da bourmen er straedoù hag arvestiñ unan eus abadennoù etrevroadel kentañ pezh-c’hoari Merc’h an Eog, krouet gant Teatr Piba haTheatr Genedlaethol Cymru.
Evit echuiñ e vo profitet eus an natur hag eus an dudioù (krapaat er gwez, douarguzhat, h.a.) eTamar Trails Centre war harzoù Kernev-Veur ha Devon.

Ar brezhoneg a vo e kreiz ar veaj, hep bezañ ur redi evit kemer perzh, ar chañs ho po da vezañ soubet ennañ ha da vont war-raok gantañ.

Roll ar veaj :
26/10 Loc’hañ eus Brest (12:00). Loc’hañ eus Rosko (15:00), degouezhout e Plymouth (20:10).
• 26/10 Nozvezh e YHA Penzance
27/10 Dizoleiñ: Penn-an-Wlas – Land’s End
• 27/10 Nozvezh e YHA Portreath
28/10 Dizoleiñ: Portreath ha tro-war-dro
• 28/10 Nozvezh e YHA Portreath
29/10 Dizoleiñ: Bodmin Moor
• 29/10 C’hoariva: Merc’h an Eog e The House, Plymouth University
• 29/10 Nozvezh e Plymouth
30/10 Dizoleiñ/dudi: Tamar Trails Centre
• 30/10 Nozvezh e Plymouth
31/10 Dizoleiñ/amzer vak: Plymouth
• 31/10 Loc’hañ eus Plymouth (22:00)
01/11 Degouezhout e Rosko (08:00). Degouezhout e Brest (09:30).

E-barzh letioù yaouankiz e vo kousket e Kernev-Veur, kavet e vo peadra da geginañ eno. N’eo ket sklaer evit Plymouth c’hoazh.

Niver a dud:
Miret eo bet ar veaj evit 9 den a-benn aesaat an aozadur. Gallout a rafe bezañ brasaet an niver a enskrivadurioù hervez ar goulenn koulskoude. Kentañ enskrivet, kentañ kadarnaet (rannbae paeet da vihanañ).

Enskrivadenn:
Goulennet e vez diganeoc’h ur rannbae (100,00€) pe ur paeamant klok (300,00€) dre gartenn-bank pe dre ur chekenn, enkefiet kerkent resevet, a-benn bezañ enskrivet. Serret e vo an enskrivadurioù d’an 10 a viz Gwengolo 2016 ha goulennet e vo diganeoc’h paeañ ar peurrest a-raok an 10 a viz Here 2016.
Gallout a rit menegiñ an niver a dud a gemero perzh er veaj el lec’hiad paeañ PayPal. Trugarez da ziwall rak an titouroù meneget e PayPal, deomp da c’hellout o implijout evit mont e darempred ganeoc’h.
E kenkas e vije leun ar strollad, ha paeet ganeoc’h an dle koulskoude, e vo restaolet ho arc’hant dindan 7 devezh (hep kontañ termenoù PayPal) deoc’h.

Priz: 300,00€/zen (hep ar gretadurezh)
An treuzdougen (karrig-boutin, karrlestr, eoul-mein), ar bod hag an dudioù a zo kontet e-barzh ar priz-mañ. N’eo ket kontet ar gretadurezh, ar boued hag an dudioù nann-raktreset.

Kretadurezh:
Rankout a ra an holl berzhidi emezelañ da v-Brezhoneg e Brest (0-15€) a-benn profitañ deus kretadurezh ar gevredigezh. Na c’hellomp ket degemer minored hep den e karg abalamour da framm ha kiriegezhioù Brezhoneg e Brest. Trugarez deoc’h.

Titouroù:
Na vezit ket chalet da zont e darempred ganeomp evit gouzout hiroc’h.
Brezhoneg e Brest – e ti SKED
18, Straed Duguay-Trouin
29200 BREST

• 06 19 29 01 97
• brest@spot.bzh

 

4 Commentaires

Bonjour, laissez ici votre commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.