Galv : aozomp Gouel broadel ar Brezhoneg 2017 asambles !

0

Aozomp Gouel Broadel ar Brezhoneg asambles !

D’an 19 ha d’an 20 a viz Mae 2017 e vo aozet Gouel Broadel ar Brezhoneg 2017 e Langoned (56-kreiz Breizh), gant ar gevredigezh Mignoned ar Brezhoneg. Gouel an holl vrezhonegerezed ha brezhonegerien eo an darvoud-mañ. Sonadegoù dindan ur chapito, c’hoarioù evit ar re vihan hag ar re vras, c’hoariva, standoù, ur fest-noz, ur gêriadenn tro-dro d’an niverel zo raktreset dija.

Ur c’hevrat zo bet sinet etre ar gevredigezh he doa aozet ar Gouel Broadel ar Brezhoneg e Kawan ha Mignoned ar Brezhoneg evit ma vefe doujet ouzh karta ar gouel. Gant ar gevredigezh Bod Kelenn hag a labour war tachenn Bro ar Roue Morvan e kenlabouromp ivez.

Pediñ a reomp an holl dud, strolladoù pe kevredigezhioù a fell dezho kinnig ur raktres d’en ober. Abadennoù, atalieroù, taolioù-gren, diskouezadegoù, c’hoarioù: digor eo ar programmadur.

Evit ar wech kentañ abaoe 2014 e vo aozet en-dro an Taol-lañs ivez, d’ar Gwener 19/05, evit lakaat ar strolladoù a grou sonerezh a-vremañ e brezhoneg war-wel. Digor eo an enskrivadurioù!

Deuit e darempred ganeomp a-raok fin miz C’hwevrer, evit kemer perzh ha kinnig ho raktres!

Mignoned ar Brezhoneg
06.11.70.65.92 / darempred@mignoned.bzh / www.mignoned.bzh

 

 

LAISSER UN COMMENTAIRE

Please enter your comment!
Please enter your name here

Ce site utilise Akismet pour réduire les indésirables. En savoir plus sur comment les données de vos commentaires sont utilisées.