Div Yezh : Kalz muioc’h a enskrivadennoù en deskadurezh divyezhek publik !

0

Abaoe un nebeut bloavezhioù e kresk en un doare disheñvel poblañs ar skolioù dre zepartamant.

War gresk ez a an deskadurezh publik divyezhek e pep lec’h e Breizh koulskoude : +7% en distro-skol 2017.

div yezh Breizh, kevredigezh a vod tud skolidi Breizh istorel, a chom aketus er mare-mañ pa vez pleustret evit prientiñ distro-skol 2018.
Meur a gevredigezh lec’hel hag a zo o c’hortoz postoù ouzhpenn pe ‘vefe dalc’het ur post o deus bet c’hoant da ziskouezh niver a enskrivadennoù gwirion. Ar pezh a dalv ez eus ur gwir c’hoant sokial aberzh an dud e keñver servij publik an deskadurezh e Breizh. Kement a ezhommoù gwirion ha niverus a zo eo reizh e vefe savet goulennoù da geñver ar gartenn-skol 2018.

Abaoe 40 bloaz omp ezel eus skol bublik hag e ouzomp mat e vo seder an distro-skol pa vo bet prientet mat en a-raok. Goulenn a reomp gant ar renerezhioù akademiezh da sellet pizh ouzh an traoù er vuhez bemdez ar skolioù ha dreistholl er skolioù-mañ :
 Kawan (22) Kresket eo an niver a skolidi hag e vefe mat kaout muioc’h a skolaerien da zegemer an niver a
vugale hag ingalañ dre live ha degemer bugale nevez (breur/c’hoar dreistholl).
TAOL-IMOR e KAWAN : div yezh Kawan a ginnigo ur merenn-vihan bourrus gant c’hoarioù er skol e fin ar
c’hentelioù.

 Lannuon (22) E skol Sant Roch Lannuon digoret e 1983 ‘zo bet kemennet e c’hellfe bezañ serret ur c’hlasad ha pa vefe kresket ar goulenn evit an deskadurezh divyezhek.
TAOL-IMOR e LANNUON: div yezh Lannuon a ginnigo ur prantad merenn-vihan da 4e30 goude merenn ha bezañs ar gerent 24 eurvezhpad er skol.

 Brest (29) N’eo ket kevatal an doare da zegemer bugale e servij publik an deskadurezh e skol bublik Aubrac . An doare da skañvaat degemer ar skolidi a zo graet nemet evit skolidi unyezhek ha pa vefe ugent bugel e lieslive eus ar re vihan skol-vamm d’ar re CM1 evit ur post..
TAOL-IMOR e BREST : div yezh Brest a ginnigo ur prantad mediaoù e galleg hag e brezhoneg er skol Aubrac da 4e30 evit larêt kreñv « n’int ket sardin hor vugale, ur post evit Gwengolo 2018 !
 Landerneau (29) La 4ème classe est une nécessité pour l’accueil et les conditions d’apprentissage pour les élèves en parcours bilingue à l’école publique du Tourous et revenir à des effectifs convenables de classe de maternelle (37 élèves actuellement).
TAOL-IMOR e LANDERNE : div yezh Landerne a ginigo ur prantad gavotenn war pond Rohan da 6e
 Redon (35) Degemer bugale eus ar re vihan skol-vamm betek ar CM2 : un hanter-kant a vugale gant 2 bost e-lec’h 3 ar bloaz-mañ.
TAOL-IMOR e REDON : div yezh Redon a ginnigo ur « kafe kerent » er skol d’ar mintin
 Langonnet (56) Abaoe krouidigezh ar c’hlasad e vez kelennet gant ar skolaerez eus ar skol-vamm d’ar CM2 TAOL-IMOR e LANGONED : Bodadeg dirak ar skol.

 Ploue (56) a gendalc’h da greskiñ he niver a skolidi er c’hentañ-derez hag a glask kreñvaat an hentenn er skolaj . Kelaouet int bet gant an deskadurezh stad e vefe serret marteze ur c’hlasad hervez ar gartenn skol.
TAOL-IMOR e PLOUE : div yezh Ploue a vodo an dud da 4e30 er skol.
 Plañvour (56) 3 c’hlasad a vo en distro-skol e-lec’h 4 goulennet.
TAOL-IMOR e PLAÑVOUR : div yezh Plañvour a ginnigo ur stand dirak ar skol adalek 4eur goude merenn.
 Gwened (56) un trede fost a zo gortozet evit an distro-skol 2018.
TAOL-IMOR e GWENED : div yezh Gwened a vodo an dud dirak ar skol adalek 4eur30 dirak skol bublik Rohan.
Digant servijoù an Deskadurezh Stad e c’houlennomp da gaout ur sell resis war pep lec’h ha
doujañ ouzh kartenn ar poloù votet d’ar 26 a viz Gwengolo 2017 da zigeriñ 21 lec’h nevez er c’hentañ
derez evit an distro-skol 2018 ha dreistholl :
 Lambal (22) E kartenn ar poloù eo raktreset evit an distro-skol 2018. N’eo ket bet kelaouet ar familhoù
hag emañ o c’hortoz ar gerent da enskrivañ o bugale evit distro skol miz Gwengolo.
TAOL-IMOR e LAMBAL: Izili div yezh Lambal a bourmeno e kreiz-kêr gant sonerien daou-ha-daou ha roet e vo
plegfolennoù kelaouiñ d’an dud.
Abaoe 1983 ez eus an hentad divyezhek brezhoneg galleg e servij publik an deskadurezh stad.
Kresket eo an niver a skolidi, a glasoù, a gumunioù, a gelennerien abaoe penn kentañ. An darn vrasañ
eus ar gerent a zibab servij publik an deskadurezh bremañ hag a zegemer ar muiañ niver a skolidi
divyezhek e Bro c’hall hag e Breizh.
N’eus nemet 3% a skolidi eus Breizh hag a zo skoliataet en hentenn zivyezhek Evit dazont ar brezhoneg, evit ma vefe posubl da bep hini bezañ divyezhek,
e rank ar rektorelezh ha servijoù an akademiezh ober ar pezh ‘zo ret evit 35vet distro-skol ar c’hlasoù divyezhek e skol ar republik ha heuliañ araokadennoù al lezennoù (lezenn N°2013-595 eus an 8 a viz gouere 2013 ha pennad 40 L.312-10 eus kod an deskadurezh) da dizhout ar pal a 20 000 skoliad skrivet en emglev Stad/Rannvro 2015-2020.

LAISSER UN COMMENTAIRE

Please enter your comment!
Please enter your name here

Ce site utilise Akismet pour réduire les indésirables. En savoir plus sur comment les données de vos commentaires sont utilisées.