Kemper : Kafedi Istor : “Preden dizalc’h ha roman” (lusket gant Rafael Urien)

0

D’ar Sadorn 17 a viz Kerzu 2016, 2e30 goude merenn, e tavarn ar Finnegans, 46 straed Aristide Briand, KEMPER

A-bep seurt martezeadennoù a zo bet, hag a zo c’hoazh, eztaolet war deroù keltiekadur Inizi Preden hag Iwerzhon. Petore oa lodenn dilerc’hiadennoù ar sevenadurezh rak-kelt hag an hini degaset gant ar re nevez degouezhet ? Pezhioù dibar a oa e kevredigezh Preden eil lodenn ar milved diwezhañ kent J.-K. Hep mar e tenne evit ar pep brasañ anezhi eus pezh a oa gwelet en helelep mare e-touez Kelted an Douar Bras avat.
E darempred gant Kelted an Douar-Bras eta o deus ar Vrezhoned, re ar Gevred pergen, skoulmet ivez reoù all gant ar Romaned. Div ergerzhadenn en deus graet Kezar e Preden e 55 ha 54 kent J.-K. N’eo nemet ur c’hantved diwezhatoc’h avat, adalek 43 goude J.-K., en deus an impalaer Klaoda kroget da aloubiñ Preden. Start e voe an aloubadenn-se, a rankas en em astenn betek dibenn ar c’hantved, ha ranket o deus ar Romaned sevel mogerioù d’en em zifenn (pe da verañ o darempredoù ganto?) diouzh pobloù an Norzh. Tamm-ha-tamm he deus ar romanelezh merket don Preden, daoust ma viras-hi he c’heltiegezh ivez, en Norzh hag er C’hornôg pergen.
 
Adlakaat a reomp da soñj palioù ar Gevredigezh vrezhon : krouiñ ur vuhez kevredigezhel brezhon dre obererezhioù liesseurt :
. displegadennoù mareadek war dodennoù lieseurt (istor, douaroniezh, fizik, armerzh, prederouriezh, lennegezh…)
. c’hoariva
. abadennoù sonerezh liessdoare
. mennozhioù a bep seurt da ziorren diouzh kinnig ar berzhidi…

Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh diouzh un tu ha Breizh hag ar broioù keltiek all diouzh un tu all

Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal ar Gevredigezh Vrezhon…Mard oc’h dedennet gant hon embregadenn, daoust deoc’h na c’hellout mont da Gemper, e c’hellit mont e darempred ganeomp a-benn krouiñ kreizennoù lec’hel en ho kornbro

Trugarez deoc’h da gemenn deomp mard emaoc’h e soñj dont pe get

Aozet gant ar Gevredigezh Vrezhon
(resisadurioù : kevredigezhvrezhon@yahoo.ie)

LAISSER UN COMMENTAIRE

Please enter your comment!
Please enter your name here

Ce site utilise Akismet pour réduire les indésirables. En savoir plus sur comment les données de vos commentaires sont utilisées.